翠茜茶

咁多 pair 對比色，至愛黃 + 紫，好多人都喜歡。

今天買了黃色馬蹄蘭、愛麗詩、黃金球回家。

好靚靚！

:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:

小茶今天的心情特別靚，呼~ 呼~~

喬仔滿月後，今日 Chilly & Jacky 帶埋喬仔返教會。第一次返教會既喬仔，個個都哄埋去睇佢，好多人錫呢！^_^ 小茶特別掛住 Chilly，見到佢真係好開心。But why 今日無薑醋食既，小茶想食蛋呀！聽聞今次用咸蛋浸薑醋，is it really taste good？

走埋苡心B 度，佢又肯同我玩，勁可愛，叻豬！

今日兒童崇拜，班小朋友都算幾聽我話啦！哈哈！Good ar~ 父親節兒童獻詩搵詩琴出了點亂子，後尾都搞掂左，辛苦阿 Di 喇！:p  Many thanks！Next week 係 last practice，一齊加油！

終於有人陪小茶走入嗰間時裝店，(一間小茶完全唔敢獨個兒走進的時裝店，點解？呵~呵~呵~)，又終於買到條做運動用的褲子，係萍萍同阿 Di 幫我揀架，唔該晒~ 咔咔咔！

之後一個人買衫、買花，好圓滿咁返屋企，a happy day~

小茶第一次考 CRE，在 6 小時內一口氣完成了 3 份 paper：UC，UE & Aptitude Test。

無壓力，玩玩而已，得一個人係悶左啲，有勁多卷前卷後既等等等位。有啲都好深，又唔夠時間做，完全完成係不可能的任務，UC 更誇張到 1 分鐘 1 題 MC，ho rush ar~

連續兩個 week end 都要考試，依家終於搞掂晒，feel so free~~

嗰晚仲要特登打畀 Pasu 兄：「我考完試喇！」(收線‧‧‧) 哈哈！！

Pasu，你 FPE 加油喇！^o^

補做 Edmund b-day 又唱 K 喇，夾極都係得呢個無奈星期一！

著住 casual wear 既小茶，呢班 friends 都好似第一次見咋 (但大家已經識左好耐！)，個個都問小茶做乜咁 casual。

「嘻嘻，唔抵得咩？」

Simon 同 Gary 都不約已同地講：「你做乜瘦左咁多？」(喂喂，大家都係一個月前見過咋，有無咁誇呀？)

不過，Simon 加多左句：「你越黎越索喎，咁點算呀？我同佢哋講，你一定係蜜運中！」

哈哈‧‧‧有咁既事？點會用個「索」字來形容我架？太誇張喇！(希望佢無開盤啦！破產唔好怨~)

因為星期一，真係無乜幾多精力，唱就唔多，但真係食得好飽好飽囉，成晚有講有笑，really a happy time~~

唔可以再唱 Monday K ，謝絕！！^ ^

Lunch hour，我和同事們拎 notes 出街影印，揾到間文具店一張 $0.30，價錢 ok，就放低畀文具店了。

放工去拎 copies，我哋咁多對眼都望呆了，眼前一堆疊得亂亂的 A3 紙。

原稿有 4 本薄書，加 2 份文件，一式雙面印 4 份，換來的是‧‧‧‧‧‧

 -  全無 expect 過係 A3 size

 -  一式 4 份，但無分紙，更加唔洗諗會釘起一份份

 -  頁數次序亂左，有些頁數印唔夠數

 -  原件被拆釘後，釘返，唔順頁數

搞咩可以會咁架？這文具店 assign 了一位老伯來完成這個任務。

除了雙面，所有嘢都錯晒！

老伯仲表示佢好似完成左個大任務咁，話「好難影呀，分紙都好難。」，好滿足地講完佢既嘢就行開左。

吓~~~~~ 咁我哋點算呀？！

正研究呢推紙係咩結構時，啲店員叫我哋行埋一邊自己分啦 (好明顯知道自己事敗，想趕我哋快啲走！！)，仲好似明益我哋呢班人咁，拎左個新釘書用釘書機出來畀我哋用 (但其實無乜用，普通釘書機就可以。)，仲要話「如果我哋幫你哋釘埋要再收錢架！」

小茶聽到呢句，真係火都黎。搞咩你搵一口釘釘返起一份份都要收錢呢？

老伯唔識用影印機？部影印機無分紙功能？

見個老伯咁老，大家都費時大動干火了，但大家心中都好想鬧爆呢間嘢所有人，因為呢班人工作態度同待客態度都差得透頂！

我哋咁多個都從來未見過有人會咁樣交貨架，黑店！！！激屎！！！

最尾我哋拎走晒啲紙，走到附近商場平台，自己分左，印得唔齊都算數了。

大包袱放低了，係時候執執自己混亂的書枱了。

執執、疊疊、撕撕、抺抺‧‧‧‧‧‧

終於搞掂晒，電腦都抺乾淨，打包了兩大袋垃圾，還 KO 了兩大棟雜誌廢紙書信。

你哋睇‧‧‧

哈哈！！！小茶今日好聽話，畀 Grandmama 讚小茶乖！^v^

原來我張書枱啲雜誌廢紙真係有咁多架！幾大棟！！

點解我張書枱咁都唔倒塌架呢？！嘿嘿~~~

完左 church，出粉嶺拎嘢後，又搵唔到 friend 小 tea (點解？點解放左監都無人理咁慘？)，唯有返沙田閒逛一陣《一田》，買點零食，就返屋企。

點知，途中又走左入 《Rabbit》，好快就買左佢。

係咪好靚呢？羊皮造，好舒服架~~

好耐之前經 Tyna 介紹，自己又睇過兩次，等來等去都仲未等到個大少少既 sale。

唉~ 見有個細細哋既 9 折，算啦，都忍唔住手，買左。

試過紅色、黃色‧‧‧

都係覺得藍色順眼啲，嘻嘻~~

今天的三小時，終於有返啲叮一聲的感覺，至少知道自己睇梗啲乜題目，答梗自己都明自己寫乜既文字。

結果如何，交過天父爸爸，尤佢搞掂，我唔理 lu~~

足足有 5 days 無出過屋企門口，(發晒 mo~~)，下午感覺就好似放監咁，勁肚餓！

萍萍同我去左大埔新開既《譚仔》食雲南米綫，叫左個清湯足足足料雲南米綫 (有齊十幾款材料架)，仲有土匪雞翼，share 食，真係好好味，食到好飽。

萍萍，你陪我 lunch，謝謝您！你個 intensive 激忙既 Hebrew double weeks 要加油呀！！！

早幾天，在《一田百貨》看中了一個 RABEANCO 牛仔皮手袋，今天終於忍不著買下了。

原先看中的黑色，但小茶已經有黑色手袋，今天在尖沙咀店又見到更多顏色，便揀選了 Navy Blue。

放晒啲嘢入個手袋度，個袋型好靚，由於係特別版，袋身都好輕，袋容量又夠晒大，啱晒小茶。

85 折再同場加送一個大大沙灘袋，都幾靚，可以做 hea hea casual bag during summer，真係「抵！！」。

:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:

真的要開始準備了！

一返到屋企，立刻把書枱上放得混亂的雜誌、信件、課外讀物和淋審嘢，疊好推在一旁，留下中間的位置，預備放更雜亂的東西。

其實要繼續執好啲張書枱，仲諗緊掉晒啲 fashion 雜誌好，還是繼續尋覓啲窿窿 la la 位畀佢哋企吓好？

 唉~~ 好苦惱喔！

早幾個 week 在公司洗飯盒時，小茶眼白白地望著心愛的無印筷子溜入洗手盤內的闊大去水槽，(拜拜~~)，好傷心。

今晚，收到鴨鴫的台灣 hand letter，係一對出街 Pooh Pooh 快子呀~~~  真係 fantastic！！！

對出街筷子仲好靚靚添喎~~ 多謝鴨鴨！！

小茶特意為佢影輯寫真。 (點撃圖放大)

據小茶婆婆事非社透露，小茶尋覓 spoon 多時，仍未找到心水中‧‧‧‧‧‧嘻嘻~~~

放左工，搭 ferry 返屋企途中，坐旁一位日本人突然轉頭問小茶‧‧‧‧‧

「Do u speak English？」

「Yes‧」

原來呢位日本先生唔知點由TST 碼頭去TST MTR station，咁小茶見都幾遠，就話帶佢行過去啦！

佢又問，要行幾耐‧‧‧

「Around 15 mins‧」

「one-five mins？」

「Yes‧」

佢嗰樣好似打左個突咁，乜日本人唔多愛行路架咩？

落左船，就同佢一齊行去 MTR station，一路上都有傾計，佢啲英文都唔差架！唔似喺日劇裡頭聽黎聽去都聽唔到嗰啲，全程路都用晒英文，小茶反覺吃力，但總算 ok！佢仲讚小茶英文好，嘿嘿~~ simsimsimple English 啫~~

佢係位商人，來香港參加 fair 架哩~

佢仲問小茶識唔識飲酒，想揾些什麼報答我帶路，no la~ 小茶太細個，唔飲得酒架~ 呵呵~~

日本人真係幾客氣，最尾都話要送啲嘢畀小茶，真係唔洗喇！

去到 MTR station，「Bye-bye！」

原先係落左船，小茶要行去火車站，跟 MTR station 唔同方向，見得閒，帶個路都覺得幾好玩，幫到人，心情靚靚呢！